Taubleyjur á flakkinu

Margir mikla fyrir sér að fara út úr húsi með taubleyjur, í rauninni er það ekkert flóknara heldur en notkun einnota bleyja á flakkinu. Það sem er gott að hafa til taks er blautpoki og skiptimotta/taska. 

Skiptimottan/taskan okkar er hönnuð til þess að grípa með sér á flakkið og geymir helstu nauðsynjar sem þarf að grípa í við bleyjuskipti. Skiptitaskan hefur fjögur hólf undir krem, þurrkur, auka innlegg eða hvað sem þér finnst mikilvægt fyrir barnið þitt.  Skiptimottan hefur auka bólstrun í höfuðstykkinu svo hægt er að nota hana hvar sem er og það mun vara vel um barnið. Innleggið í skiptimottunni er fjarlægjanlegt og því einstaklega sniðugt að hafa annað til skiptanna í hliðarvasanum ef ske kynni að smá slys skyldi enda í innlegginu. Okkur fannst mikilvægt að hanna skiptimottu sem gat nýst sem best og ekki þyrfti að skella öllu eintakinu í þvottavélina út af smá pissi, þessvegna kom hugmyndin um skiptimottu með fjarlægjanlegt innlegg. 

Blautpoki er nýji plastpokinn og geymir óhreinar taubleyjur, óhrein föt, nesti, pela eða hvað sem þér dettur í hug - sem þú vilt ekki að smitist í töskuna þína eða á aðra staði. Blautpokar eru saumaðir úr efni sem kallast PUL og heldur það raka og lykt inni sem gerir taubleyjulífið á flakkinu enn auðveldara. 

Það sem mestu máli skiptir er að ofhugsa ekki hlutina, láta vaða og sjá hvað gerist. Það versta sem gæti gerst er að þú kemur reynslunni ríkari heim og veist hvað þú vilt taka með á næsta rúnt út úr húsi með hamingjusamt taubleyjubarn.