Hinn umtalaði taubleyjuþvottur!

Þvottur er oftar en ekki það fyrsta sem fólk vill skilja betur þegar kemur að taubleyjum og það er fullkomnlega eðlilegt. Eins og með annan þvott vill maður fara rétt að til þess að vörurnar endist sem lengst, sem við ætlum að ræða hér að neðan. Hinsvegar er taubleyjuþvottur oft eitthvað sem fólk horfir á sem vesen eða "óhreint" frekar en hvað fer best með vörurnar. Fólk vill gjarnan vita hvort að þvottavélin verði skítug við taubleyjuþvott eða gefur upp öndina fyrr. Svo er heldur betur ekki en við höfum oft spurt fólk á móti hvort að eftirfarandi spurningum;

Hendi þið fötum barna ykkar sem lenda í slysi? 

Fara rúmföt sem hafa lent í ælupest barns í ruslið eða þvottinn? 

Fara rándýr og falleg barnaföt í ruslið ef að kúkasprengja fer útfyrir bleyjuna? 

Hvað með öll pissuslysin þegar börn læra að nota kopp? 

Þetta algjörlega eru spurningar sem lætur fólk hugsa. Við öll erum að þrífa allskyn “mennskan” úrgang í þvottavélunum okkar og til þess eru þær gerðar. Fólk virðist stundum ekki setja samansem merki á milli kúkur í bleyju vs. kúkur í buxum þó vitundavakninin sé sem betur fer á mikilli uppleið. Hér eru nokkrar staðreyndir og góð fræðsla um taubleyjuþvott sem við vonumst til nýtist sem best.

Mjólkurhægðir: Börn sem einungis drekka mjólk, eru á brjósti eða pela hafa vatnsleysanlegar hægðir. Það þýðir að hægðir barnanna leysast upp í vatni og má því setja kúkableyjurnar beint inn í þvottavélina án þess að gera nokkuð annað. 

Fastar hægðir: Melting barna sem eru byrjuð að smakka mat fara í gegnum stóra breytingu. Form hægðanna breytist, lyktin breytist og vatnsleysanleikinn breytist einnig. Þessar hægðir geta litið út eins og mjólkurhægðir en eru ekki jafn vatnsleysanlegar. Hægðirnar geta einnig verið formaðar og því auðveldara að losa þær úr taubleyjunni. Aðal reglan með fastar hægðir er að þær eiga heima í klósettinu. Það er misjafnt hvernig fólki líkar best að losa þessar hægðir úr taubleyjum en þekkt er að efnið AWJ líkt og er inní Noah Nappies taubleyjunum sé mjög heppilegt til þess að losa hægðir úr taubleyju, efnið hrindir hægðum að vissu leyti frá sér.

Þvottarútínan: Getur verið ansi misjöfn og eðlilegt er að þín taubleyju þvottarútína sé ólík þvottarútínu vinar eða vinkonu. Við mælum með því að óhreinar taubleyjur séu geymdar í stórum blautpoka líkt og Jumbo blautpokanum okkar. Óþarfi er að skola pissubleyjur fyrir þvott, nóg er að setja þær í pokann. Þegar kemur að þvottadegi dugar að opna rennilása pokans og setja hann inn í vél í heilu lagi, snúningur þvottavélarinnar losar taubleyjurnar út pokanum. 

1. Skref: Kalt skol með eða án þvottaefnis - þitt er valið.
   
   
2. Skref: Langur heitur þvottur á 40°- 60° með þvottaefni. Ath að velja þvottaefni vandlega, við mælum með þvottaefni án ensíma, lyktarlausu og passlega mildu.
   
   
3. Skref: Eftir langa þvottinn getur þvottarútínan verið búin. Hinsvegar kjósa margir (sem við mælum með) að setja á kalt skol í lokinn án þvottaefnis til þess að ganga úr skugga um að allt þvottaefni sé farið úr taubleyjunum/innleggjunum. Þvottaefnin geta neflilega valdið þvottaefna - uppbyggingu í náttúrulegu trefjunum en birtingamynd þess gæti hugsanlega verið útbrot eða rautt bleyjusvæði.
   
   
4. Eftir fyrstu þrjú skrefin er komið að því að hengja upp taubleyjuþvottinn. PUL vörur (blautpokar og taubleyjur) fara best uppi á snúru en hiti úr þurrkara fer illa með PUL efni og getur látið það “bráðna” eða aðskiljast. Öll Noah Nappies innlegg mega fara á háan hita í þurrkara og endast jafn vel og lengi hvort sem að þú kýst að nota þurrkara eða að hengja þau upp til þerris. Flestir taubleyjuforeldrar sem hafa aðgang að þurrkara kjósa hann til að þurrka innleggin sín. Náttúruleg efni geta verið lengi að þorna á snúru og þyrfti því að vera meira til á heimilinu af innleggjum.

Gangi þér sem allra best í þvottahúsinu! Við erum til taks ef einhverjar spurningar vakna  ♡