Allt um rakadrægni

Rakadrægni getur verið stór þáttur í ákvarðandatöku foreldra um notkun taubleyja. Efnin sem í boði eru geta verið ansi mörg með ólík nöfn en tegundir innleggja einnig. Því getur innbyrði eða rakadrægni taubleyja reynst mörgum yfirþyrmandi og jafnvel komið í veg fyrir það að viðkomandi taki á skarið og prófi taubleyjur. Við ætlum að kryfja efnin sem eru á bakvið rakadrægnina í taubleyjum, mismunandi eiginleika þeirra, kosti og galla. Röðun mismunandi innleggja verða einnig útskýrð, allt til þess að gera þín vegferð og ákvarðanataka sé sem einföldust þegar kemur að taubleyjulífinu.

Efnin sem tíðkast hvað mest í rakadrægninni eru míkrófiber, bambus, bómull og hemp.

• Míkrófiber var ansi ríkjandi á taubleyjumarkaðnum fyrir nokkrum árum síðan en nú eru fleiri að hallast að náttúrulegu efnunum. Míkrófiber er gerviefni líkt og efni sem finnst oft í tuskum en það er einstaklega hratt að draga í sig raka sem var aðal ástæðan fyrir vinsældum efnisins á sínum tíma. Önnur ástæða var einnig hversu ódýrt þetta efni er. Þó míkrófiber sé hratt að draga vökva í sig þá halda trefjarnar ekki lengi í vökvann og geta ekki haldið miklu magni af þvagi í senn. Því þarf að skipta örar um bleyju og eru míkrófiber innlegg ekki kennd við góða nætur rakadrægni. Ókostir míkrófiber efnisins eru nokkrir að okkar mati en flest efni hafa sína kosti og galla. Efnið er ekki umhverfisvænt og má ekki liggja upp við húð barnsins vegna húðbruna hættu. Ef þú átt innlegg úr míkrófiber sem þú vilt nota þá mælum við með því að raða innlegginu alltaf efst því míkrófiber tekur hraðar við þvagi heldur en náttúruleg efni. Hafa þarf í huga að efnið má alls ekki liggja upp við húð barns.
• Bómull hefur tíðkast lengst í taubleyjuheiminum og var eina efnið sem í boði var í gamla daga, þegar börn voru í “gamaldags taubleyju”. Bómull heldur vökva einstaklega vel.. Bómullinn er heppilegur fyrir viðkvæma húð en á það til það verða stífur eftir þvott og krumpast sem lagast strax við notkun. Mörgum finnst bómullar innlegg oft virðast meira “bulky” en það er aðallega vegna þess að samanborið við bambusinn þá er bómullinn stífari og þéttari. Einstaklega vinsæl blanda er þó Bambus-bómullar innlegg sem ráða við að taka hratt við vökva en halda honum einnig mjög vel.
  
  
• Bambus hefur verið brautryðjandi í textíl heiminum síðastliðinn áratuginn. Ekki einungis í heimi taubleyja heldur í fatnaði, heimilisvörum, barnavörum og áfram mætti telja. Einstaklega mörg taubleyjuvörumerki bjóða upp á bambusinnlegg en bambusinn er þekktur fyrir bakteríudrepandi eiginleika sína, frábæra rakadrægni, mýkt og góða endingu. Bambus innlegg eru einnig í ódýrari kanntinum en það fer þó aðallega eftir mismunandi bambus blöndu sem í boði er. Bambus innlegg mega liggja uppvið húð barns og dregur efnið frekar hratt í sig vökva og heldur honum vel. Mikið af rakadrægum vörum Noah Nappies eru út blöndunni Bambus viscose sem krumpast síður í þvotti, efnið er létt og einstaklega mjúkt.
  
  
• Hemp er “tromp” spilið þegar kemur að langtíma rakadrægni eða næturbleyjum. Náttúrulega efnið hemp dregur vökva einstaklega hægt í sig en heldur lang mestu magni af vökva. Því ætti ávalt að raða hemp innleggi neðst ef þú ákveður að blanda saman efnum. Við mælum hiklaust með því að nota hemp og bambus ofaná fyrir frábæra næturrakadrægni. Hemp innlegg líkt og bómull stífnar og styttist örlítið í þvotti en lagast það við notkun. Hemp er dýrari heldur en bómull og bambus en lang skilvirkasta efnið þegar kemur að börnum sem pissa mikið eða nætur/lúr bleyjum.

Svona raðar þú innleggjum rétt eftir efni! Rakadrægasta efnið fer í botninn og svo koll af kolli → hemp → Bómull → bambus → Míkrófiber